Mövsümdə ilk, tarixdə 20-ci
25.10.2021 , 16:11
“Sabah” mövsümdə ilk qələbəsini qazanıb. Bakı təmsilçisi VIII turda “Sumqayıt”a 3:0 hesabı ilə qalib gəlib. İlk 7 matçda qələbə qazana bilməyən paytaxt klubu tarixində 20-ci dəfə Premyer Liqa görüşündə 3 xala sevinib.
Korner.az xəbər verir ku, bu, 84-cü matça təsadüf edib. Bakılılar öz meydanındakı 42-ci oyunda 10-cu belə uğuru bayram edib.
“Sabah” Premyer Liqada 3-cü dəfə böyük hesablı qələbə əldə edib. Əvvəlki iki uğura da öz meydanında imza atan paytaxt futbolçuları yenə eyni – 3:0 hesabı ilə qalib gəlib. Bu, komandanın ən böyükhesablı qələbəsidi. 2019/20 mövsümünün “Səbail”, 2020/21 mövsümünün “Qəbələ” ilə qarşılaşmalarında da “Sabah” üç xalı üç cavabsız qolla əldə edib.
