İngiltərə Futbol Assosiasiyasının İntizam komitəsi “Çelsi”nin baş məşqçisi Joze Mourinyo barəsində intizam işi açıb.
Korner.az-ın məlumatına görə, buna portuqaliyalı mütəxəssisin ölkə çempionatında “Aston Villa”ya qarşı oyundakı davranışı səbəb olub.
Çempionatın lideri olan “Çelsi” bu mövsümdə ilk dəfə məğlubiyyətlə üzləşib. Oyunun qəhrəmanı isə “Aston Villa”nın yeganə qolunu vuran Fabian Delf olub.
Matçın hakimi Kris Foy “Çelsi”nin iki oyunçusu – Villian və Ramiresə qırmızı vərəqə göstərib, eləcə də baş məşqçi Joze Mourinyonu texniki zonadan qovub. Londonluların baş məşqçisi qovulmasına baxmayaraq, meydana çıxıb və hakimlə mübahisə edib. O, martın 24-nə kimi hərəkəti ilə bağlı izahat verməlidir.