Mourinyo, Venger və Konte üçün biabırçı vəziyyət

Joze Mourinyo, Arsen Venger və Antonio Konte FIFA-nın “İlin ən yaxşı baş məşqçisi” sorğusunda biabırçı vəziyyətlə üzləşib.

Korner.az-ın məlumatına görə, hər üç çalışdırıcı sorğuda bir səs də toplaya bilməyib.

Yığma komandaların baş məşqçiləri və kapitanları arasında keçirilən sorğunun qalibi “Lester”i ötən mövsüm çempionluğa qovuşduran Klaudio Ranyeri (22.6%) olub. O, Zinəddin Zidan (“Real”, Madrid – 16.56%) və Fernandu Santuşu (Portuqaliya yığması – 16.24) qabaqlayıb.