Mourinyo təqvimdən narazıdır: “Siti” son oyunlarda heç bir təzyiq hiss etməyib”
12.11.2018 , 10:13
İngiltərə Premyer Liqasının XII turunda “Mançester Siti” əzəli rəqibi “Mançester Yunayted”lə qarşılaşıb. Oyun “şəhərlilər”in 3:1 hesablı qələbəsi ilə yekunlaşıb.
Oyundan sonra “qırmızı şeytanların” baş məqşçisi Jozo Mourinyo jurnalistlərin suallarını cavablandırıb. Təcrübəli mütəxəssis təqvimdən narazılıq edib:
“Bir tərəfdə mövsümə möhtəşəm başlayan “Mançseter Siti”, digər tərəfdə isə mövsümün startı alınmayan “Mançester Yunayted”. Bəli, biz oyunumuzu yaxşılaşdırmışıq. Futbolçular da əlindən gələni edir. Son həftədə “Siti” öz evində 3 oyun keçirib və hamısında 6 qol vurub, heç bir təzyiq hiss etməyib. Biz isə son üç oyunu səfərdə keçiririk. “Yuventus”la oyun çox çətin oldu, final kimi yanaşdıq. Belə oyunlarda nəticə qazanmaq üçün komanda bütün gücünü sərf etməlidir”.
“Mançester Yunayted” İngiltərə Premyer Liqasında 20 xalla 8-ci pillədə qərarlaşıb.
