Mourinyo: “Şevçenko “Milan”da” şahzadə idi, “Çelsi”də isə…”
04.05.2023 , 11:00
“Çelsi”nin sabiq baş məşqçisi Joze Mourinyo ukraynalı Andrey Şevçenkonun London klubunda uğursuz çıxışının səbəblərindən danışıb.
Korner.az xəbər verir ki, o, “Çelsi”yə başqa oyunçunun alınmasını istəyibmiş.
“O, “Çelsi”də mənim ilk seçimim deyildi. Mən başqa oyunçu istəmişdim və bilirəm ki, o vaxt klub istədiyim oyunçuları və ya onlardan heç olmasa birini almaq üçün hər şeyi etdi, lakin bu, müxtəlif səbəblərdən mümkün olmadı. Şevçenko mənə təklif olunanda isə razılaşdım, çünki o, şübhəsiz ki, keyfiyyətli oyunçu idi. O, “Milan”da şahzadə kimi idi, amma “Çelsi”də fəlsəfəmiz fərqli qurulmuşdu. Bizim şahzadələrimiz yox idi”, – deyə Mourinyo bildirib.
Xatırladaq ki, Şevçenko “Çelsi”nin heyətində 77 oyun keçirib, 22 qol və 10 məhsuldar ötürmə ilə yadda qalıb.
