İngiltərə Premyer Liqasında mübarizə aparan “Mançester Yunayted”in baş məşqçisi Joze Mourinyo “Arsenal”ın futbolçusu Mesut Özili komandada görmək istəyir.
Korner.az-ın məlumatına görə, bu haqda İngiltərə mediası xəbər yayıb.
Bildirilir ki, təcrübəli mütəxəssis “Real”da da (Madrid) birlikdə çalışdığı oyunçu ilə “Mançester Yunayted”də də çalışmaq niyyətindədir.
Qeyd edək ki, gələn mövsüm Özilin “Arsenal”la olan müqaviləsi bitir.
Xatırladaq ki, son dünya çempionu bu mövsüm “topçular”ın heyətində 31 oyuna 9 qol vurub və 8 məhsuldar ötürmə edib.
