Madrid “Real”ının baş məşqçisi Joze Mourinyo yeni komandası – “Çelsi” ilə müqavilə imzalayıb.
Korner.az-ın “The Sun”a istinadən verdiyi məlumata görə, “zadəganlar”la 4 illik müqavilə imzalayan portuqaliyalkı mütəxəssis bu müddətdə 47 milyon avro qazanacaq. Qəzetə xəbəri “Çelsi”də çalışan yüksək vəzifəli şəxslərdən biri ötürüb. Təcrübəli mütəxəssis “Çelsi”ni əvvəlcə Uzaq Şərq turuna, sonra isə ABŞ-a aparacaq.
Qeyd edək ki, Mourinyo 2004-2008-ci illərdə çalışdırdığı londonluları ilk 2 mövsümdə çempion etməklə, uzun müddətlik intizara son qoydu.
