“Real”ın 21 yaşlı futbolçusu Alvaro Morata “Yuventus”a getmək niyyətindədi.
Korner.az-ın məlumatına görə, “Real”ı tərk etmək qərarına gələn ispaniyalı hücumçu ilə bir çox Avropa klubları maraqlanırdı. Bu barədə açıqlama verən gənc hücumçu:
“Artıq özüm üçün qərar vermişəm. Karyeramı “Yuventus”da davam etdirmək istəyirəm”, – deyə bildirib.
Xatırladaq ki, əvvəl Turin klubu Morataya görə 20 milyon avro ödəcəyi bildirilirdi. “Kral klubu” futbolçunu qaytarmaq qərarına gəlsə, 25 milyon avrosundan keçməli olacaq.