Morata “Komo”ya ağır itki yaşatdı – bir neçə ay meydanlardan uzaq qalacaq
12.12.2025 , 11:24
“Komo”nun hücum xəttinə ciddi zərbə dəyib.
Korner.az xəbər verir ki, Alvaro Morata budun daxili əzələsində aşkarlanan ağır zədə səbəbindən uzun müddət komandaya kömək edə bilməyəcək.
33 yaşlı forvardın ən azı mart ayına qədər meydana çıxmayacağı bildirilir.
Təcrübəli ispaniyalı hücumçu bu mövsüm indiyədək bütün yarışlarda 15 matçda forma geyinib və bir məhsuldar ötürmə ilə yadda qalıb. Morata hazırda “Komo”da icarə əsasında çıxış edir, onun transfer hüquqları isə “Milan” klubuna məxsusdur.
Qeyd edək ki, “Komo” A Seriyanın 15-ci turunda dekabrın 15-də səfərdə “Roma” ilə qarşılaşacaq.
