“Monako” klubu ötən mövsüm “Barselona”dan ayrılan qapıçı Viktor Valdeslə bağlı rəsmi açıqlama verib.
Korner.az-ın xəbərinə görə, qolkiper Fransa klubunda tibbi müayinədən keçə bilməyib. Buna görə də, “Monako” rəsmi tvitter səhifəsində Valdeslə danışıqlara son qoyduqlarını açıqlayıb.
Qeyd edək ki, martda dizindən ağır zədə alan ispaniyalı qolkiper mövsümün qalan hissəsini yaşıl meydanlardan uzaq qalmalı olmudşu. “Monako”nun vitse-prezidenti Vadim Vasilyev də Valdesin zədəsinin davam etdiyinə görə keçidin baş tutmadığını açıqlayıb.
32 yaşlı qapıçı azad agent kimi qalmaqda davam edir. “Barselona” isə artıq onun yerini Mark-Andre ter Ştegen və Klaudio Bravo ilə doldurub.
