UEFA prezidenti Mişel Platini Frank Riberinin Fransa millisindəki karyerasını başa vurmasına sərt münasibət bildirib.
Korner.az-ın məlumatına görə, o, “Bavariya”nın aparıcı futbolçusunu bu qərarına görə kəskin şəkildə tənqid edib:
“Riberi millidə oynayıb-oynamayacağı haqda qərar verə bilməz. Baş məşqçi Didye Deşam onu dəvət edərsə, milli komandada oynamağa məcburdu. Bu, FiFA-nın qaydalarında da var. Əgər Riberi Deşamın dəvətini rədd etsə, çıxış etdiyi “Bavariya” klubunda üç oyunluq cəzalandırılacaq. O, fransalı olsa da, ölkəsində təşkil olunacaq Avropa çempionatında iştirak etməkdən boyun qaçırır. Bunu anlamaq mümkün deyil”.
