UEFA prezidenti Mişel Platini danışılmış oyunlar "şike" və "Fənərbağça" ilə bağlı bir çox suallara aydınlıq gətirib.Platini "CNN İnternational" kanalının aparıcısı Pedro Pintonun sullarını cavablandırıb.
Korner.az həmin söhbəti sizə təqdim edir:
-Türkiyədə danışılmış oyunlarla bağlı 16 klub nəzarət altındadır. Gələn mövsüm türk klubları ilə bağlı hansı tədbirlər görüləcək?
Bu uzun məsələdir. Lakin mən qısa cavablandıracam. Bu barədə əlimizdə sənədlər var. Nizam İntizam Komitəsi ilə bir qərar alacağıq. Ancaq qərarın nə olacağını hələ özümüz də bilmirik.
-"Fənərbağça"nı ÇL- turnirinə buraxmadığınız üçün peşmansınız? Gələn mövsümdən Türkiyədə hər şey normala qayıdacaqmı?
Bu qadağanı mən qoymadım. Nizam İntizam Komitəsi qoydu. Bu barədə bir qədər də danışam, "Fənərbağça"nın vəkilləri məni məhkəməyə verər. Bu, Komitənin işidir. Keçən il qadağanı qoymaqla böyük addım atdıq. Bu il isə hələ ki heç bir qərar almamışıq.
Qeyd edək ki, UEFA-nın danışılmış oyunlarla bağlı qərarı ay sonunda verəcəyi gözlənilir.
