Millinin Şimali Makedoniya ilə oyunlarının vaxtı açıqlandı
13.04.2023 , 18:24
17 yaşadək futbolçulardan ibarət Azərbaycan millisinin Şimali Makedoniya ilə yoxlama görüşlərinin vaxtı müəyyənləşib.
Korner.az xəbər verir ki, AFFA görüşlərin keçiriləcəyi tarixləri açıqlayıb.
Yığmamız ilk olaraq aprelin 18-də rəqiblə qarşılaşacaq. Görüş saat 16:00-da başlayacaq.
Aprelin 20-nə təsadüf edəcək oyunun start fiti isə saat 14:00-da səslənəcək.
Qeyd edək ki, hər iki qarşılaşma Şimali Makedoniyanın paytaxtı Skopyedə keçiriləcək.
