Millinin çempionluğuna görə konsert təşkil olunacaq

Minifutbol üzrə Azərbaycan millisinin Avropa çempionu olması münasibətilə konsert proqramı təşkil ediləcək.

Korner.az xəbər verir ki, konsert iyunun 15-i saat 19:00-da Bakı bulvarının ərazisində (Zəfər parkı ilə üzbəüz) olacaq. Milli komandanın iştirakı ilə keçiriləcək konsertin təşkilatçıları Gənclər və İdman Nazirliyi, Azərbaycan Mini futbol Federasiyası,  “Zirə” Peşəkar Futbol Klubu, sponsor isə “Nar Mobile”dir.

Konsert proqramında rəsmi şəxslər və minifutbol üzrə milli komandanın baş məşqçisi Elşad Quliyev çıxış edəcək, xüsusi avtobusla kubok tamaşaçılara təqdim olunacaq, müğənnilər Zülfiyyə Xanbabayeva, Miri Yusif və Səmra çıxış edəcəklər.

Slovakiyada keçirilmiş Avropa çempionatında minifutbol üzrə milli komanda qalib gəlib. Millimiz tarixində ikinci dəfə qatıldığı Avropa çempionatının finalında Rumıniya yığmasına 1:0 qalib gələrək qızıl medalların sahibi olub.