Birinci divizion təmsilçisi “Sabah” qış transfer pəncərəsində heyətinə daha bir futbolçu cəlb edib. Mövsümün ilk yarısında “Kəpəz”də çıxış edən Məhəmməd Qurbanovla müqavilə imzalanıb.
Millimizin sabiq üzvü mövsümün sonuna kimi Arif Əsədovun komandasında çıxış edəcək.
Rusiyanın “Rostov” klubunun yetirməsi sayılan hücumameyilli yarımmüdafiəçi peşəkar karyerası ərzində “Taqanroq” (Rusiya), “Sumqayıt” və “Neftçi” klublarında da forma geyinib.
