Qışda heyətini gücləndirməkdə olan "Rəvan” növbəti transferini həyata keçirib.
Korner.az-ın klubun rəsmi saytına istinadən verdiyi məlumata görə, komanda Azərbaycan milli komandasının sabiq futbolçusu Nodar Məmmədovun keçidini rəsmən həll edib.
"Qəbələ”dən transfer edilən 24 yaşlı futbolçu ilə 1,5 illik müqavilə imzalanıb. Qeyd edək ki, mərkəz müdafiəçisi yaxın keçmişdə əsas millinin də şərəfini qoruyub. O, 4 oyunda milli formanı geyinib.
Millinin U-17 və U-19 komandalarının da formasını geyinmiş Nodar gənclərdən ibarət milli komandanın (U-21) kapitanı da olub. Onun 2007-ci il sentyabrın 11-də U-21-lər arasında təşkil olunan Avropa çempionatının Xorvatiya ilə səfər matçında 2 qol vurduğunu da əlavə edək.
