Azərbaycan millisinin hücumçusu Dəniz Yılmaz Türkiyədə klub axtarışını davam etdirir
“Bursaspor” tərəfindən transferə çıxarılan forvard “Gənclərbirliyi”nin maraq dairəsinə düşüb.
“Qarabağ”ın bir müddət əvvəl transfer etmək istədiyi Tokelo Rantie ilə yollarını ayıran “Gənclərbirliyi” bu boşluğu doldurmaq üçün hərəkətə gəlib. Paytaxt klubunun baş məşqçi Ümit Özat rəhbərlikdən məhz Dənizin keçidinin həllini istəyib. Bu səbəbdən klublar arasında danışıqlara start verilib.
Qeyd edək ki, qış təlim-məşq toplanışına start verən “Bursaspor”da Dəniz Yılmaz komandaya cəlb olunmayıb.
