Futbol

Millimizin hücumçusu ABŞ klubunda – Rəsmi

14.01.2020 , 11:08

Azərbaycan millisinin hücumçusu Rüfət Dadaşov karyerasını ABŞ-da davam etdirəcək.

Korner.az-ın məlumartına görə, Almaniyanın III Bundesliqa təmsilçisi “Proysen”dən ayrılan Dadaşov ABŞ-ın “Feniks Rizinq” klubuna transfer olub.

II Liqa təmsilçisi 28 yaşlı hücumçunu yeni mövsüm üçün sifariş edib. Dadaşov transferi ilə bağlı klubun saytına danışıb:

“2014-cü ildə Azərbaycan millisi ilə ABŞ yığmasına qarşı oynadığım vaxtdan bəri bu Amerikada futbolu yaxından izləyirəm və çox böyük inkişaf görürəm. Burdakı həyəcanın bir hissəsi olmağı çox istəyirdim. Rik Şantzla danışdıqdan sonra “Feniks Rizinq” oynamaq istəyimi 100 faiz qətiləşdirdim. Komanda yoldaşlarımla, azarkeşlərlə görüşmək, qələbələrə kömək etməyi səbrsizliklə gözləyirəm”.

Son yazılar

Yuxarı