Millimiz Belarusa qalib gəldi
02.06.2021 , 21:58
Azərbaycan millisi yoldaşlıq oyunu keçirib.
Korner.az xəbər verir ki, Canni De Byazinin baş məşqçisi olduğu komanda Belarusla qarşılaşıb. Minskdəki “Dinamo” stadionunda oynanılan matç Bakı vaxtı ilə saat 20:00-da başlayıb.
Görüş millimizin 2:1 hesablı qələbəsi ilə başa çatıb. Komanda matçın gedişində hesabda geri düşsə də, sonradan 2 qol vuraraq qalib gəlməyi bacarıb.
Azərbaycan millisi bundan əvvəl Türkiyəyə 1:2 hesabı ilə uduzub. Komandamız iyunun 6-da isə Kişinyovda Moldova ilə yoldaşlıq oyunu keçirəcək.
Yoxlama oyunu
2 iyun
20:00 Belarus – Azərbaycan – 1:2
Qollar: Skaviş, 56 – Bədavi Hüseynov, 73, Ramil Şeydayev, 90+1
Minsk, “Dinamo” stadionu