Bakının “Rəvan” klubunun ukraynalı qapıçısı Konstantin Maxnovski milliləşdirilib.
Korner.az-ın apasport.az-a istinadən məlumatına görə, bunu 26 yaşlı əlcək sahibinin agenti Aleksandr Pankov açıqlayıb.
O, bu barədə özünün instaqram səhifəsində yazıb: “Maxnovski Azərbaycan pasportu alıb. Onu təbrik edib, Azərbaycan yığmasında uğurlar arzulayaq”.
Bu yay paytaxt təmsilçisinə transfer edilən qapıçının milli komandaya cəlb olunacağı gözlənilir. Bununla da yığmanın əsas qapıçısı Kamran Ağayevə rəqabətin artırılması planlaşdırılıb. Topaz Premyer Liqasının ilk 7 turunda 12 qol buraxan ukraynalı Kiyev “Dinamo”sunun yetirməsidi.
O, vətənində “Dinamo-3” (2006), “Obolon” (2011-12), “Sevastopol” (2012-14), Polşada “Petrkoviya” (2007-08), “Lodz” (2008), “Legiya” (2008-11) klublarının formasını geyinib.
Qeyd edək ki, Maxnovski 2004-06-cı illərdə Ukraynanın U-17 yığmasında çıxış edib.
