Bu gün 19 yaşadək futbolçulardan ibarət yığma komandalar arasında təşkil olunan Avropa çempionatının elit-raundunda 7-ci qrupun oyunlarına start verilib.
Korner.az-ın məlumatına görə, Azərbaycanın U-19 yığması bu gün ilk matçına çıxıb.
Nikolay Adamın komandası ilk görüşündə meydan sahibləri Fransa millisi ilə üz-üzə gəlib. Yığmamız rəqibinə 0:2 hesabı ilə uduzub. Qrupun digər oyununda İngiltərə Danimarka ilə münasibətlərinə aydınlıq gətirib. Bu görüşdə ingilislər əzmkar qələbə qazanıb – 3:2.
Qeyd edək ki, Avropa çempionatının final mərhələsi bu ilin iyul ayında Yunanıstanda keçiriləcək.
