FİFA milli komandaların yeni reytinq cədvəlini açıqlayıb.
Korner.az-ın məlumatına görə, Azərbaycan millisinin mövqeyində heç bir dəyişiklik olmayıb.
Dekabr ayında heç bir oyun keçirməyən komandamız əvvəlkitək 135-ci pillədə qərarlaşıb.
“Avro-2016″dakı rəqiblərimizə gəlincə ən yaxşı göstərici yenə də İtaliya millisinə məxsusdur. İtaliya millisi ötən ay olduğu kimi bu dəfə də 11-ci olub.
Digər rəqiblərimizdən Xorvatiya da 19-cu pillədəki mövqeyini qoruyub. Norveç (0) 67-ci, Bolqarıstan (0) 66-cı və Malta isə (+1) 147-ci pillədə qərarlaşıb.
Siyahıya “DÇ-2014″ün qalibi Almaniya millisi başçılıq edir. Mundialın gümüş mükafatçısı Argentina yığması ikinci, Kolumbiya isə üçüncü olub.
