Bu gün 19 yaşadək futbolçulardan ibarət yığma komandalar arasında təşkil olunan Avropa çempionatının elit-raundunda 7-ci qrupun oyunlarına start veriləcək.
Korner.az xəbər verir ki, Azərbaycanın U-19 yığması bu gün ilk matçına çıxacaq.
Nikolay Adamın komandası ilk görüşündə meydan sahibləri Fransa millisi ilə üz-üzə gələcək. Oyun Bakı vaxtı ilə saat 22:30-da başlayacaq. Qrupun digər oyununda İngiltərə Danimarka ilə münasibətlərinə aydınlıq gətirəcək.
Qeyd edək ki, Avropa çempionatının final mərhələsi bu ilin iyul ayında Yunanıstanda keçiriləcək.
