Moldovada təlim-məşq toplanışında olan 17 yaşadək futbolçulardan ibarət millimiz ikinci yoldaşlıq oyununu keçirib.
Korner.az-ın məlumatına görə, “Zimbru”nun əvəzedici komandasının Kişinyovdakı stadionunda keçirilən görüşdə Siyasət Əsgərovun yetirmələri yenə moldovalı həmyaşıdları ilə qarşılaşıb.
Millimiz yenə böyük hesabla rəqibinə qalib gəlib – 4:0. Komandamızdan qolları Roza Quliyeva (33), Manə Mollayeva (43, 44) və Mərvə Özdəmir (49) vurub. Moldovadan olan baş hakim Radu Tobultok hər iki komandadan 1 futbolçunu meydandan qovub. Karolina Tsabur və Roza Quliyeva dalaşdıqları üçün 50-ci dəqiqədə qırmızı vərəqə alıblar.
