Millidən qələbə
27.12.2022 , 17:43
Bakıda təlim-məşq toplanışını başa vuran 16 yaşadək futbolçulardan ibarət Azərbaycan milli komandası son yoxlama oyununu keçirib.
Korner.az xəbər verir ki, “Səbail”in U-17 komandası ilə qarşılaşan yığma 4:1 hesablı qələbə qazanıb. Tariyel Fərzəliyevin dubl etdiyi oyunda millinin digər qollarını Amid Qasımov və Anar Hüseynov vurub.
Milli daha öncə keçirdiyi hazırlıq matçında “Sumqayıt”ın U-17 komandasını 7:0 hesabı ilə məğlub etmişdi.