Milli Qətərə məğlub oldu
27.03.2021 , 23:00
Azərbaycan millisi beynəlxalq yoldaşlıq oyununda Qətərlə üz-üzə gəlib.
Korner.az xəbər verir ki, Macarıstanın Debretsen şəhərindəki “Nadyerdeyi” stadionunda keçirilən qarşılaşma Bakı vaxtı ilə 21:00-da başlayıb.
Matçda hesabı millimiz açsa da, sonradan iki top buraxaraq məğlub olub.
Qətər millisi Azərbaycan, Portuqaliya, Serbiya, İrlandiya və Lüksemburqun yer aldığı A qrupuna mübarizə aparır. Asiya çempionu ilə matçlar hazırlıq xarakteri daşıyır.
Millimiz seçmə mərhələdəki ilk görüşündə İtaliyada Portuqaliyaya 0:1 hesabı ilə uduzub. Qətər isə Lüksemburqu eyni hesabla yenib.
21:00. Qətər – Azərbaycan – 2:1
Qollar: Al Haydos, 55 (pen.), 58 – Ramil Şeydayev, 16 (pen.)
Hakimlər: İvan Krujlyak, Tomaş Somolani, Branislav Hantsko, Peter Kraloviç (Slovakiya)
Macarıstan, Debretsen. “Nadyerdeyi” stadionu