Milli Litvaya getdi
02.01.2024 , 18:52
Şərqi Avropa Voleybol Zonal Assosiasiyası (EEVZA) çempionatında iştirak edən 20 yaşadək voleybolçu qızlardan ibarət Azərbaycan komandası bu gün Litvanın Şaulyay şəhərinə yola düşüb.
Korner.az xəbər verir ki, Şahin Çatmanın rəhbərlik etdiyi kollektiv Latviya, Ukrayna, Estoniya, Polşa və ev sahibi Litva kollektivləri ilə üz-üzə gələcək.Yığmamız ilk matçını yanvarın 3-də Estoniya komandasına qarşı keçirəcək.
Qeyd edək ki, 3-7 yanvar tarixlərində baş tutacaq yarış “AVRO-2024”ə seçmə xarakteri daşıyır. Reqlamentə əsasən, çempion qitə birinciliyinin final mərhələsinə vəsiqə əldə edəcək.
