İraq millisinin baş məşqçisi Artur Ziko tutduğu vəzifədən istefa verib.
Korner.az-ın məlumatına görə, bir zamanlar "Fənərbağça"nı da, çalışdırmış braziliyalı əfsanə istefasına səbəb İraq Futbol Assosiasiyası (İFA) tərəfindən müqavilə şərtlərinə əməl edilməməsi olub.
59 yaşlı mütəxəssis bunu təsdiq edən sənədləri FİFA və İFA-ya təqdim edib.
Qeyd edək ki, Artur Ziko İraq millisinə 2011-ci il avqustun 28-də baş məşqçi təyin olunub. Onun rəhbərliyi altında yığma 19 oyundan 8 qələbə, 7 məğlubiyyət, 4 heç-heçə ilə ayrılıb.
