"Olimpiadaya hazırlıq çox yüksək səviyyədə keçir. Artıq 2 təlim məşq toplantısını geridə qoymuşuq. Hal hazırda Şamaxıda sonuncu – üçüncü təlim-məşq toplantısındayıq. Məşqçilərimiz Fikrət Sideifzadə ve Landa Konstantin bizimle məşq keçir. Qızlarımız çox həvəslə məşq edirlər".
Bu sözləri Korner.az-a açıqlamasında şahmat üzrə qadın şahmat komandamızın üzvü Nərmin Kazımova deyib.
Dünya reytinqində 2302 xala sahib şahmatçımız olimpiadaya hazırlıq barədə əməkdaşımızın suallarını cavablandırıb:
– Məşqçilərin sizin qarşınıza qoyduğu hədəf hansıdı?
– Əlbətdə oğlanlara nisbətən bizim şansımız daha azdı. Bizim hədəfimiz ilk onluğa düşməkdi. Amma təbiki oyunun gedişatından çox şey aslıdı. Əsas komandada birlikdi, bununla daha da yüksək nəticə göstərə bilərik.
– Komandada "onsuzda bizdən çempionluq tələb olunmur" rahatlığı yarana bilər?
– Əlbətdəki yox. Heç vaxt rahatlıq olmayıb. Həm də bu il Olimpiada vətənimizdə keçirilir. Əlimizdən gələn, hətta əlimizdən gəlməyən hər şeyi edəcəyik.
– Olimpiadanın vətənimizdə keçirilməsini qeyd etdiniz. Bu amil şahmatçılarımızın oyununa təsir edəcəkmi?
– Mən belə düşünürəm ki, bu bizə daha yaxşı təsir edəcək. Çünki öz vətənimizdə oynamaq bizim üçün qürurdu. Daha artıq məsuliyyətlə oynayacağıq. Vətən sevgisi gücümü daha da artıracaq.
– Çəkindiyiniz şahmatçılar varmı? Varsa hansı komandadı?
– Çəkindiyimiz deməyək. Güclü komandalar çoxdu. Buna misal olaraq Çin, Rusiya, Ukrayna və s. Ancaq əvvəlcə vurğuladığım kimi idmandı, yaxşı alınsa oyunumuz, yüksək nəticə göstərə bilərik və buna inanırıq.
Xatırladaq ki, Bakıda keçiriləcək şahmat olimpiadası sentyabr ayının 1-dən 14-nədək Bakı Kristal Zalında keçiriləcək.
Layihə AFFA yanında Media Komitəsi tərəfindən maliyyələşdirilir.
