Avropa Oyunlarında Azərbaycanı müxtəlif idman növlərində təmsil edəcək milli komandaların hazırlığı üç mərhələdə təşkil olunub.
Korner.az-ın məlumatına görə, yığmaların 2013-cü ildən keçirilən Avropa Oyunlarına görə hazırlıq mərhələsinə 10,5 milyon manat vəsait xərclənib.
Avropa Oyunlarına Azərbaycan yığma komandalarının hazırlığının son mərhələsilə bağlı keçirilən iclasda bu günə kimi görülən işlərdən danışılıb. Tədbirdə həmçinin milli komandamızın Avropa Oyunları zamanı istifadə edəcəyi geyim dəstləri barədə də məlumat verilib. Bildirilib ki, İtaliya şirkəti tərəfindən hazırlanan formaların artıq eskizi hazırdır.
