“Milli komanda üçün əlimdən gələni etməyə hazıram”
09.10.2020 , 21:58
Monteneqro yığmasının müdafiəçisi Marko Şimiç UEFA Millətlər Liqasının qrup mərhələsi çərçivəsində Azərbaycan millisinə qarşı keçiriləcək oyundan öncə fikirlərini bildirib.
Korner.az xəbər verir ki, 33 yaşlı futbolçu hər oyunun vacib və həlledici okduğunu söyləyib:
“Təəssüf ki, milli komandanın qrupda keçirdiyi ilk iki oyunda iştirak etməmişəm. İndi buradayam, həmişə olduğu kimi, milli komanda üçün əlimdən gələni etməyə hazıram. Hər oyun vacib və həlledicidir. Hər oyuna çox köklənəndə bu, bəzən yaxşı nəticə üçün kifayət etmir”.
Qeyd edək ki, sabah Podqoritsada keçiriləcək Monteneqro – Azərbaycan oyununa Bakı vaxtı ilə 17:00-da start veriləcək.
