Topaz Premyer Liqasında 24-cü turun oyunları davam edir.
Korner.az-ın məlumatına görə, “Bakı” doğma meydanda “Sumqayıt”ı qəbul edib. Görüş 0-0 hesabı ilə başa çatıb. Oyundan sonra hər iki klubun baş məşqçiləri mətbuata açıqlama veriblər.
Milinko Pantiç (“Bakı” klubunun baş məşqçisi): Biz birinci hissəni rəqibə hədiyyə etdik. İlk hissəni çox zəif oynadıq. Komandama tapşırmışdım ki rəqib güclüdür. Rəqibi qiymətləndirmək lazımdır. Oyunun nəticəsini ədalətli hesab edirəm. İkinci hissədə də üstünlük bizdə idi. Yalnız rəqib tam qapandı və lazım olan 1 xalı əldə etdi. Günah özümüzdədir. Növbəti oyunlara yaxşı hazırlaşacağıq.
Adil Məmmədov (“Sumqayıt” klubunun baş məşqçisi) : Nəticədən razı qalsam da komandamın oyunu məni qanə etmədi. Qırmızı vərəqənin komandama heç bir təsiri oplmadı. Oyuna əvvəlcədən yaxşı başlamadıq. Son oyunlarda komandam yaxşı oynayır. Bircə bu oyunu çıxmaq şərti ilə. Növbəti turlarda rəqiblərdən xal alıb mövqeyimizi möhkəmləndirəcəyik.
