İtaliyanın “Milan” futbol klubunun sahibi Silvio Berluskoni klubun nəzarət paketini sinqapurlu iş adamı Piter Limaya satmaqdan imtina edib.
Korner.az-ın məlumatına görə, Sinqapurdan olan biznesmen qırmızı-qaraların səhmlərinin 51 faizi üçün 300 milyon avro təklif edib.
Amma Berluskoni bütün hallarda kluba nəzarəti əlində saxlamaq istəyir. Bu səbəbdən də o, səhmlərin ancaq 30 faizin satmağa hazırdır.
77 yaşlı siyasətçi “Milan”ı 1986-cı ildə alıb. Onun 28 illik rəhbərliyi dövründə klub 8 dəfə ölkə çempionluğunu, 1 dəfə ölkə Kubokunu, 6 dəfə İtaliya Superkubokunu qazanıb, 5 dəfə Çempionlar Liqasında və 5 dəfə Avropa Superkubokunda, 1 dəfə klublararası dünya çempionatında qalib gəlib, 2 dəfə Qitələrarası kubokun sahibi olub.