"Milan" klubu "Liverpul"a transfer olunacağı gözlənilən Mario Balotellini əvəz edəcək hücumçunu tapıb.
Korner.az-ın məlumatına görə, Milan təmsilçisi "Çelsi"nin hücumçusu Fernando Torresi transfer etməyi planlaşdırır.
İtaliya klubu Torresi icarəyə götürmək niyyətindədir. Dieqo Kostanın transferindən sonra əsas heyətdən kənarda qalan ispaniyalı forvardın da "Çelsi"dən ayrılmaq istədiyi məlumdu. Tərəflər arasında razılıq əldə olunarsa, Torres yeni mövsümdən "Milan"ın şərəfini qoruyacaq.
Qeyd edək ki, Torres ötən mövsüm "Çelsi"nin heyətində keçirdiyi 41 oyunda 11 qola imza atıb.
