“Keçən oyun yaxşı oynamamışdıq. Komandanın performansından razı qalmamışdım”.
Korner.az-ın məlumatına görə, bu sözləri Avropa Liqasının I təsnifat mərhələsində "Qarabağ"la qarşılaşacaq Makedoniyanın"Metallurq" klubunun baş məşqçisi Srcan Zaharievski bu gün keçirdiyi mətbuat konfransında deyib.
Zaharievski bildirib ki, ilk oyunda “Qarabağ” daha yaxşı oynayıb və layiqli qələbə qazanıb: “Uğur qazanmaq istəyiriksə, sabah qol vurmalıyıq.
Təmsilçimizin hazırkı büdcəsiylə Avroliqanın qrup mərhələsində oynaya biləcəyini də vurğulayan rəqib çalışdırıcı “Qarabağ”la bağlı məlumatları Azərbaycanda işləmiş məşqçilərdən və vaxtilə Azərbaycanda oynamış futbolçulardan aldığını söyləyib.
