Aregntina millisinin ulduz oyunçusu Lionel Messiyə FİFA tərəfindən verilən 4 oyunluq cəza ləğv edilib.
Korner.az-ın məlumatına görə, ali futbol qurumu açıqlamasında Messinin etirazının qəbul olunduğu və cəzanın ləğv edildiyini açıqlayıb.
FİFA-nın bu qərarına əsasən, futbolçu bundan sonra Argentina millisinin heyətində DÇ-2018-in seçmə mərhələsi çərçivəsində keçiriləcək oyunlarda iştirak edə biləcək.
Xatırladaq ki, Messi DÇ-2018-in seçmə mərhələsi çərçivəsində Çiliyə qarşı keçirilən matçda yan xətt hakimini təhqir etdiyinə görə 4 oyunluq cəza almışdı.
