Messi üçün sürpriz iddia: “Qalatasaray” hərəkətə keçdi
06.11.2025 , 18:53
Türkiyə Superliqasının lideri “Qalatasaray” Lionel Messini icarəyə götürmək istəyir.
Korner.az xəbər verir ki, məlumatı İspaniyanın “El Mundo Deportivo” nəşri yayıb. Xəbərə əsasən, İstanbul klubu argentinalı ulduza dörd aylıq icarə təklifi hazırlayır.
MLS-də mövsüm dekabrın əvvəlində başa çatır və liqada 2026-cı ilin mart ayına qədər uzun fasilə yaranacaq. “Qalatasaray” bu fasilə dövründə Messinin oyun praktikasını itirməməsi və dünya çempionatına optimal formada hazırlaşması üçün onun transferinə nail olmağa çalışır.
Xatırladaq ki, Messi bu mövsüm “İnter Mayami”nin heyətində 38 görüşdə 35 qol vurub və 18 qol ötürməsi edib.
