İspaniyanın “Barselona” klubunun üzvü Lionel Messi yeni rekorda imza atıb.
Korner.az-ın məlumatına əsasən, Messi İspaniya La Liqasının XII turunda “Sevilya”nı 5:1 hesabı ilə məğlub etdikləri matçda het-trik edərək, La Liqada ən çox qol vuran futbolçu adını qazanıb. 21, 73 və 78-ci dəqiqələrdə fərqlənən 27 yaşlı oyunçu qollarının sayını 253-ə çatdırıb.
Bununla da Messi 1940-1955-ci illər arasında Bilbao “Atletik”ində forma geyinmiş Telmo Sarranın 251 qolluq (277 oyun) rekordunu qırıb. Lionel İspaniya çempionatında bu topları 289 matçda rəqib qapılarından keçirib.
