Messi Ronaldonun “Yuventus”a transferi haqda: “Həqiqətən təəccübləndim”
04.09.2018 , 12:26
“Barselona”nın futbolçusu Lionel Messi Kriştiano Ronaldonun “Real”dan ayrılaraq “Yuventus”a transfer olunmağına münasibət bildirib.
O, portuqaliyalı hücumçunun Turin klubuna keçidinə təəccübləndiyini deyib: “Sözün düzü, Ronaldonun “Real”ı tərk edəcəyini gözləmirdim. Madridlilər onun gedişi ilə çox şey itirdilər. Mən onunla çox klubun maraqlandığını eşidirdim. Ancaq “Yuventus”a keçməsi ən az ehtimal edilən variant idi. Mən, həqiqətən, bu transferə təəccübləndim. Amma “Yuventus” çox yaxşı komandadır. Onlar avrokuboklarda əsas favoritlərdən olacaq”.
Qeyd edək ki, Ronaldo bu yay “Real”dan “Yuventus”a transfer olunub.
