Messi Ronaldonu qabaqladı
30.10.2019 , 20:33
“Barselona”nın kapitanı Lionel Messi klub karyerasında qol sayına görə “Yuventus”un futbolçusu Kriştiano Ronaldonu qabaqlayıb.
Korner.az xəbər verir ki, hücumçu buna La Liqanın 11-ci turunda “Valyadolid”ə 5:1 hesabı ilə qalib gəldikləri görüşdə nail olub.
Oyunda dubl edən və 2 məhsuldar ötürmə ilə yadda qalan hücumçu klub karyerası ərzində vurduğu qolların sayını 608-ə çatdırıb. O, bu nəticəyə 695 görüşdə nail olub. Ronaldo isə 813 oyunda 606 dəfə fərqlənib.
