"Barselona"nın Argentinalı ulduzu Lionel Messi "Deportivo" qarşısında 3 qola birdən imza ataraq, karyerasındakı 21-ci het-trikini etdi.
Korner.az-ın məlumatına görə, Barselonanın ulduzu Lionel Messi rekordları alt üst edən performansını sürətlə davam etdirir.
La Liganın 8-ci həftəsində oynanılan və "Barselona"nın 5:4 hesablı üstünlü ilə bitən "Deoprtivo" qarşılaşmasında Messi bu klubun forması ilə 21-ci dəfə het-trikə imza atıb.
Argentinalı futbolçu eyni zamanda Barselonanın La Liqa tarixində ən çox het-trik edən futbolçu adını qazanıb.
2012 – Qızıl İl
"Barselona" ilə son 3 müövsümdə bütün statistikaları alt üst edən futbolçu "Deportivo" ilə oyunda atdığı qollarla da öz rekordunu yenilədi. Son olaraq, 2010-cu ildə Barselona forması ilə 58 qola imza atan Messi "Deportivo"nun qapısından keçirdiyi 3 qolla birlikdə 2012-ci ilin sona çatmasına 2,5 ay qalmış bu rekordunu da yeniləyərək 59-a çatdırdı.
300-cü qol gəlir
"Deportivo" qarşılaşmasında etdiyi het-triklə bu mövsümdəki qol sayını 9-a yüksəldən Lionel Messi karyerasında böyük bir uğura imza atdı.
İndiyədək "Barselona" forması ilə çıxdığı 341 matçda 268 qol vuran Lionel Messi, Argentina forması ilə çıxdığı 75 qarşılaşmada da 31 dəfə qol sevinci yaşayıb. "Barselona" və milli komanda ilə birgə ümumilikdə 416 rəsmi matça çıxan Messi 299 dəfə rəqib qapısına zərbə vurub. Əgər futbolçu çərşənbə axşamı Nou kampda Celtik ilə oynanılacaq Çempionlar Liqasında rəqib qapısından top keçirərsə, bu onun 300-cü qol sevinci olacaq.
Pelenin izində
Messinin yaxınlaşdığı rekordlardan biri də Braziliya əfsanəsi Peleyə aid olan və bir il ərzində ən çox qol atan futbolçu rekordudur.
2012-ci ilin sonuna 2,5 ay vaxt qalmış "Barselona" və Argentina forması ilə 71 qola çatan Messi bu ilin sonunadək 5 qol daha atarsa Pelenin rekordunu ələ keçirəcək.
Brazilyalı əfsanə 1959-cu ildə klub və milli forması ilə birgə 75 qola imza atmışdı.
Xatırladaq ki, Pele Messi üçün "O nə vaxt ki 1283 qola imza atacaq və 3 dünya kuboku qazanacaq, bax onda oturub danışarıq. İnsanlar vənə "Nə vaxt yeni Pele doğulacaq?" deyə sual verirlər. Məndə cavabında "əsla" deyirəm. Valideynlərim fabriki bağlayıblar", ifadələrini işlətmişdi.
