Mert Çelik mərc oyunlarına görə futboldan uzaqlaşdırıldı
13.11.2025 , 22:45
Azərbaycan millisinin sabiq müdafiəçisi Mert Çelik müvəqqəti olaraq futboldan uzaqlaşdırılıb.
Korner.az xəbər verir ki, bu barədə Türkiyə Futbol Federasiyasının mətbuat xidməti məlumat yayıb.
25 yaşlı futbolçunun cəzası mərc oyunları ilə bağlı fəaliyyəti səbəbindən verilib və o, 45 gün müddətində futboldan kənarda qalacaq.
Eyni səbəbdən “Qalatasaray”dan Eren Elmalı, Metehan Baltacı və digər 100-dən çox oyunçu da müvəqqəti olaraq oyunlardan uzaqlaşdırılıb.
Qeyd edək ki, Mert Çelik Azərbaycanda “Neftçi” və “Səbail”in heyətində çıxış edib.
