Merih Demiral baş məşqçini döyüb?
27.04.2023 , 19:20
İtaliyanın “Atalanta” komandasında çıxış edən Türkiyə millisinin futbolçusu Merih Demiral gündəmə gəlib.
Korner.az xəbər verir ki, futbolçu ilə komandanın baş məşqçisi Can Piero Qasperi arasında dava düşüb.
Mübahisənin səbəbi hələ bilinməsə də, yay transfer dönəmində “İnter”in Merih Dəmiralı heyətinə qatmaq istədiyi bildirilib.
Bu səbəbdən futbolçu “Atalanta” rəhbərliyinə ayrılmaq istədiyini açıqlasa da, baş məşqçi araya girərək Merih Dəmiralın transfer olmasına mane olub.
Qasperinin “Atalanta”da digər futbolçularla da münasibətinin pis olduğu, klub rəhbərliyinin məşqçinin taleyi ilə bağlı müzakirə apardığı bildirilib. Türkiyə millisinin futbolçusu Merih də çətin ki, növbəti mövsüm “Atalanta”da çıxış etsin.
