Mendieta: “Bruno Fernandesin La Liqada uğur qazanacağına inanıram”
03.12.2025 , 19:18
“Valensiya”nın və İspaniya millisinin sabiq yarımmüdafiəçisi Qaiska Mendieta, “Mançester Yunayted”in kapitanı Bruno Fernandesin La Liqaya mümkün keçidi ilə bağlı fikirlərini bölüşüb.
Korner.az xəbər verir ki, Mendieta portuqaliyalı futbolçunun İspaniya çempionatında uğur qazanmaq üçün bütün xüsusiyyətlərə sahib olduğunu vurğulayıb:
“İlkay Gündoğanın nümunəsi var. O da “Barselona”ya 30 yaşını keçdikdən sonra transfer edildi. Buna görə də Bruno Fernandesin yaşı problem deyil. Onun istedadı La Liqada uğurlu olması üçün kifayətdir. Burada əsas məsələ futbolçunun şəxsi yanaşmasıdır.
O, “Mançester Yunayted”in kapitanıdır. Ola bilsin, hazırda ideal mövqeyində oynamaması ona təsir edir. Amma futbolçular müxtəlif ölkələrdə və liqalarda özlərini sınamağı sevirlər. Mən inanıram ki, o da bu barədə düşünməməzlik etməyib.
“Barselona” azarkeşləri Fernandesə yüksək qiymət verər və ondan tam razı qalarlar”.
Xatırladaq ki, 31 yaşlı Bruno Fernandes bu mövsüm “Mançester Yunayted”in heyətində 14 matçda iştirak edib, 2 dəfə qol vurub və 5 məhsuldar ötürmə ilə yadda qalıb.
