Moskvanın “Spartak“ klubunun sahibi Leonid Fedun MDB ölkələri çempionatlarının birləşdirilməsi ideyası barədə fikirlərini bölüşüb.
Korner.az-ın “Sport-Ekspress”ə istinadən verdiyi məlumata görə, Fedun ukraynalı həmkarlarının bu işə qarşı çıxacaqlarını deyib.
“Mən dəfələrlə ukraynalı həmkarlarımla sə siyasətçilərlə bu barədə danışmışam. Futbol biznesi nöqteyi-nəzərdən ideya cəlbedicidi. Çünki nə qədər güclü komandalar olsa, çempionat bir o qədər maraqlı keçər. Ancaq bu, hələ ki real görünmür. Soyadlarını çəkməyəcəyim bəzi ukraynalı həmkarlarım siyasi baxımdan bu fikrin reallaşmasını istəmirlər. Onlar Ukraynanın müstəqilliyini hər şeydən əsas tuturlar və Rusiyayla birgə çempionat keçirmək istəməzlər. Çünki bu çempionatı Rusiya keçirsə, onlar SSRİ dövründəki kimi, asılı tərəfə çevriləcəklərini düşünürlər”, – deyə Fedun bildirib.
