Mbappe və Vinisius La Liqada driblinq siyahısında ikinci pillədədirlər
12.11.2025 , 13:45
“Real Madrid”in hücumçuları Kilian Mbappe və Vinisius Junior cari La Liqa mövsümündə ən çox uğurlu driblinq edən futbolçular arasında ikinci yeri bölüşürlər.
Korner.az xarici mediaya istinadən xəbər verir ki, hər iki oyunçu rəqiblərini 30 dəfə uğurla keçib.
Reytinqin zirvəsində “Barselona”nın 17 yaşlı istedadı Lamin Yamal qərarlaşıb – onun aktivində 33 uğurlu driblinq var.
İlk beşliyi “Real Sosyedad”ın futbolçusu Ander Barrenetxea (29) və “Ovyedo”nun oyunçusu Hassem Həsən (28) tamamlayır.
Hazırda “Real Madrid” 12 turdan sonra 31 xalla La Liqanın lideridir. “Barselona” 28 xalla ikinci, “Vilyarreal” və “Atletiko Madrid” isə müvafiq olaraq 26 və 25 xalla onların ardınca gəlir.
