“Bizi çətin oyun gözləyirdi. Rəqib əks hücumda yaxşı oynayan komandadı. İlk hissədə “Qəbələ”nin yaxşı imkanı var idi, təssüf ki dəyərlənndirə bilmədilər. Sona yaxın düşünürəm ki, qələbə üçün biz daha layiqli idik. Fasilədə futbolçularıma “Qəbələ”nin ikinci hissə də əlindən gələni edəcəyini dedim. Penaltidən sonra gələn müdafiə səhvi hesabı dəyişdi. Bundan sonra yeni oyun başladı. İki dəyişiklik etdim. O da nəticəsini göstərdi. Sonuncu dəyişiklik isə dayaq yarımmüdafiəçi idi. Bu bizim turnirdə ilk qələbəmiz idi, həm də səfərdə. Bizim azarkeşlər üçün də önəmli qələbə idi. Planda o idi ki, evdə qalib olub, səfərdə xal alaq. Əksinə oldu, amma yenə də vacib xalları qazandıq. “Qəbələ”ni dekabrda Mayntsda gözləyirik, düşünürəm ki, cavab oyunu da belə maraqlı keçəcək”
Korner.az-ın məlumatına görə, bu sözləri “Maynts” klubunun baş məşqçisi Martin Şmidt UEFA Avropa Liqası II turu çərçivəsində “Qəbələ” ilə (2:3) matçdan sonra deyib.
Oyundan sonra mətbuat konfransında iştirak edən mütəxəssis jurnalistlərin suallarını cavablandırıb:
– Yağış və meydanın vəziyyəti, hesabda geri düşməniz və s. kimi hadisələr olduqda futbolçuların vəziyyətini təsvir edərdiniz?
– İki fərdi səhvdən qol buraxdıq. Meydan amili və yağış da təsir etdi. Rəqibin yaxşı fiziki gücü var idi, həmçini psixoloji cəhətdən də komanda tam hazır idi.
– Bu gün meydanda sizin analiz etdiyiniz “Qəbələ” var idi, yoxsa tamam fərqli?
– Rəqib yaxşı müdafiə olunan, sürətli əks hücuma keçən komandadı. Bu tərzdə Dabodan yaxşı istifadə edirdilər. İlk dəqiqədən prpessinqi gözləmirdim. Bunu “Qəbələ”dən gözləmirdim. Bu bizim komanda üçün çətinlik yaratdı.
– Baqali Dabonun oyunun xüsusi qeyd etdiniz. Azərbaycan Premyer Liqasında 6 qolla bombardirdi, həm də “Anderlext” səfərində qol vurdu. Baş məşqçisi kimi Daboya nə qədər transfer qiyməti verərdiniz?
– Videotəhlil zamanı Dabonu yaxşı izləmişdik. Müsbət keyfiyyətlərini görmüşdük. Birə-bir mübarizədə yaxşıdı. Transfer qiymətinə gəldikdə bunu bizim idman direktorumuzdan soruşa bilərsiniz. Dabo hücumçu kimi güclü futbolçudu. Amma bundan başqa hücumçunu topla təmin edən digər futbolçuların oyunu da önəmlidi.
