Mayk Menyan “Milan”da qalacaq
15.01.2026 , 13:56
“Milan” Mayk Menyanla müqaviləni uzatmaq üzrədir.
Korner.az xarici KİV-ə istinadən xəbər verir ki, 30 yaşlı qapıçı ilə yeni sözləşmə barədə razılıq əldə olunmaq üzrədir.
Yeni müqaviləyə əsasən, fransalı qolkiperin illik qazancı bonuslarla birlikdə təxminən 7 milyon avro təşkil edəcək. Anlaşmanın 2030 və ya 2031-ci ilə qədər qüvvədə qalması nəzərdə tutulur.
Klub rəhbərliyi razılaşmanı yaxın vaxtlarda rəsmi şəkildə açıqlamağı planlaşdırır. Qeyd edək ki, Menyan cari mövsümdə bütün turnirlərdə 22 matçda iştirak edib, 18 qol buraxıb və 10 oyunda qapısını toxunulmaz saxlayıb.
