Mastantuono “Real”da qalır – icarə planı gündəmdə deyil
29.12.2025 , 15:14
“Real Madrid” Franko Mastantuono ilə bağlı qərarını verib.
Korner.az xarici KİV-ə istinadən xəbər verir ki, klub qış transfer pəncərəsində argentinalı yarımmüdafiəçini icarəyə göndərməyi planlaşdırmır.
Gənc futbolçu 2025/26 mövsümünün ikinci yarısında daha çox şans qazanmaq üçün Madrid təmsilçisinin heyətində qalacaq.
Xəbərdə bildirilir ki, baş məşqçi Xabi Alonso və klub rəhbərliyi Mastantuononu gələcək planların əsas fiqurlarından biri kimi dəyərləndirir.
Daha əvvəl futbolçunun milli komandaya çağırılmaq üçün icarəyə verilə biləcəyi iddia olunurdu. Həmin halda “Napoli”nin onun transferi üçün 50 milyon avro ödəməyə hazır olduğu da qeyd edilmişdi.
Qeyd edək ki, Mastantuono bu ilin avqust ayından “Real”ın formasını geyinir. Madrid klubu onun üçün “River Pleyt”ə 45 milyon avro ödəyib. Yarımmüdafiəçi indiyədək bütün turnirlərdə 14 matçda meydana çıxıb, 1 qol vurub və 1 assist edib.
