Mario Qomes karyerasını bitirdi
29.06.2020 , 18:35
Almaniya milli komandasının sabiq futbolçusu Mario Qomes karyerasını başa vurub.
Korner.az xəbər verir ki, o, ötən gün “Ştutqart”ın heyətində peşəkar karyerasında sonuncu matçını keçirib.
Mario peşəkar karyerasına “Ştutqart”da başlayıb. 34 yaşlı futbolçu “Bayern”, “Fiorentina”, “Beşiktaş” və “Volfsburq”da çıxış etdikdən sonra 2017/18 mövsümündə “Ştutqart”a qayıdıb. 2007-2018-ci illərdə Almaniya millisində oynayan Qomes 78 matçda 31 qol vurub.
